@ 
大家除咗可以喺西貢白沙灣 搭船 出海玩水上活動 之外，其實仲可以參觀歷史悠久嘅觀音廟 。白沙灣觀音誕 擁有超過60年歷史，仲係香港非物質文化遺產 ！
每年農曆六月白沙灣村公所都會舉行一連五日觀音誕活動。除咗上演粵劇 神功戲外，亦有參拜大王爺、請神、過關、賀誕及送神等多項 傳統儀式，正誕當日更會進行抽花炮儀式添。
今年白沙灣觀音誕酬神粵劇 喺21-25/7進行，共演出11場。除咗酬謝觀音娘娘過去一年保祐鄉民風調雨順嘅神恩外 ，同時亦慶祝香港回歸27周年，別具意義！正誕日典禮 今日(24/7)喺西貢白沙灣停車場舉行，西貢民政專員馬瓊芬、立法會議員林素蔚、西貢區鄉事會主席王水生、坑口鄉事會主席劉啟康、白沙灣村公所主席嚴方敏及各政府部門代表與眾同樂，分享喜悅 。
白沙灣村公所今年仲招募咗多名 歷史文化大使 ，舉辦導賞團等 活動，畀市民深入了解 白沙灣觀音誕歷史文化遺產
