@ 
日前（16/7），離島區青年發展網絡為各位學員舉辦咗速度滑冰興趣班 ，畀大家喺炎炎夏日清涼一番 。
活動開始之前，大家都好留心聽教練講解速度滑冰相關嘅安全知識同專業裝備，例如鞋身經精心設計嘅溜冰鞋 。之後大家仲喺教練嘅帶領下進行下蹲、單腳支撐等速度滑冰熱身動作，鍛鍊協調能力同耐力 。
熱好身之後，大家就正式上到冰面練習。喺教練用心指導下，唔識溜冰嘅學員由企都企唔穩變到可以喺冰上面慢慢滑行 ；而識溜冰嘅學員，更加學識咗加速、轉彎等滑冰技巧，滑得有模有樣 ！大家都話玩得好開心，感受到喺冰上滑行嘅刺激感同暢快感
民政處嚟緊仲有好多唔同類型嘅活動，大家密切留意啦 ！
