@ 
係剛過去嘅周末，荃灣民政專員區家盛、立法會議員陳恆鑌、陳穎欣、荃灣各界慶祝香港回歸委員會籌委會執行主席嚴玉麟及其他籌委會成員等出席咗「慶回歸28周年暨《香港國安法》公布實施5周年填色及繪畫比賽 頒獎禮」，向各位得獎者致以祝賀 。今年比賽主題除咗慶回歸之外，亦加入國安法、東江水供港同全運會元素，等小朋友們有更多發揮空間，運用佢哋嘅創意同畫筆，畫出對香港未來美好嘅憧憬 ！
今次比賽競爭十分激烈，大會收到超過800份作品，每份作品都各具特色 。得獎作品除咗極具創意外，更融入「國安則家好」概念，表達出國家安全嘅重要。
大會亦喺頒獎禮場地外設置咗國安展覽同埋有趣嘅問答遊戲，加深大家對《香港國安法》嘅認識！
恭喜所有得獎者，你哋嘅努力同才華得到咗應有嘅認可！
想睇更多精彩瞬間？快啲睇下我哋嘅相片集，一齊重溫呢個充滿歡樂同創意嘅時刻！
