@ 
連日黑雨過後，大埔關愛隊趁好天，協助區內多個泥水沖入屋嘅鄉郊居民進行善後工作。
協助分發沙包、清理村民屋內泥水 、搬走被水浸壞嘅家具電器
元嶺村、林村谷同美援新村喺暴雨下出現水浸，好多民居被污泥污水波及。康樂園、林村谷及大埔滘小區關愛隊喺雨前協助分發沙包畀居民；亦喺雨後幾次探訪並協助清理屋內泥沙、雜物、以及被水浸壞嘅家具電器。關愛隊協助村內獨居長者，令佢哋唔需要爬高爬低清理家居。
清理鄉郊通道同行人橋嘅山泥雜物
林村谷一帶多條村都受到大雨影響，高田磡村一條行人橋被河水沖塌。林村谷關愛隊喺雨後出動，協助清理村內通道上嘅山泥、雜物及積水，讓村民出行及生活盡快恢復正常。
協助申請緊急援助基金
關愛隊與民政處協助居民申請部門及機構各項緊急援助基金，讓有經濟困難嘅受影響市民度過燃眉之急。大埔民政處已批出近10個華人慈善基金申請，亦正繼續協助有需要居民其他嘅援助申請。
區內關愛隊喺風雨前後持續同民政處保持溝通，第一時間反映同轉介區內情況及居民需要，令政府部門能盡快安排跟進。大埔民政處和關愛隊會同各方一齊積極應對變幻莫測嘅天氣情況。
@ 
@