@ 
為咗更深入了解社區各方面發展，以更好地回應不同背景居民嘅需要，觀塘區議會喺過去兩周參觀咗區內外不同設施：
1、參觀將軍澳海水化淡廠暨與水務署署長會面
適逢今年係東江水 供港60周年，觀塘民政專員兼區議會主席何立基聯同一眾觀塘區議員於7/8參觀將軍澳海水化淡廠 ，並同水務署署長黃恩諾會面 。 區議員喺交流會上深入了解海水化淡廠嘅運作 及水務署保障供水韌性嘅政策 ，明白到每一滴水都得來不易。
大家都好雀躍咁同水務署吉祥物 滴惜仔 Water Save Dave 打卡留念 ，更表示返到社區會向居民推廣節水意識 ，鼓勵居民飲水思源。
2、參觀「啟航Runway1331」啟德青年驛站宿舍
為響應行政長官2024年施政報告宣布嘅青年政策 ，何專員聯同一眾區議員、「三會」以及兩個青年委員會嘅成員於12/8參觀咗「啟航Runway1331」啟德青年驛站宿舍 ！
「啟航Runway1331」改建自啟德方艙醫院 ，坐落喺昔日啟德機場跑道 上。「啟航Runway1331」將設有共居住宿空間 、市集 同埋一系列嘅文娛康樂設施 畀入住嘅本地及國際青年交流文化藝術創意 。大家參觀後都一致認同呢個項目大有裨益 ，除咗可以增強佢哋嘅社區參與 ，仲提供一個平台、一條跑道畀佢哋嘅夢想「啟航」 ！
觀塘民政處、觀塘區議會喺未來會同不同部門及單位保持緊密交流 ，進一步推動社區基建同各方面嘅多元發展 ，造福社區 。
@ 