@ 
今年係中國人民抗日戰爭暨世界反法西斯戰爭勝利嘅80周年，廣東革命歷史博物館、廣州市中山紀念堂管理中心、香港宋慶齡基金會及澳門宋慶齡基金會今日（26/8）喺西貢賽馬會大會堂舉行《勠力同心 - 粵港抗戰史實展》港澳區巡展嘅開幕式 。
民政總署署長杜潔麗、西貢民政專員馬瓊芬、原東江縱隊港九獨立大隊老游擊戰士聯誼會會長林珍、副會長羅競輝、理事謝祥興、中聯辦新界工作部處長趙克祥、外交部駐港特派員公署副主任朱秀峰、駐港維護國家安全公署副處長張騰化、香港宋慶齡基金會執行主席王玉華、立法會議員林素蔚、劉智鵬等擔任主禮嘉賓，參與禮炮儀式 為巡展揭幕，並支持 呢個別具意義嘅活動。
《勠力同心 - 粵港抗戰史實展》嘅舉行範圍包括港澳兩地 ，展出抗日戰爭歷史嘅珍貴相片 及資料，並以西貢區為港區嘅第一站，展期為兩日(26/8及27/8)，然後將巡迴香港其他地區及於學校 舉行，讓市民同學生了解更多抗日戰爭嘅歷史。
@