@ 
暑假即將到尾聲，尋日（27/8）大埔民政專員Eunice，連同大埔青年網絡青年領袖工作小組召集人梁中明同大埔樂善村項目發展總監李艶明，率領十數位大埔青網單車義工及九龍樂善堂義工隊，探訪大埔區過渡性房屋樂善村，與超過二十位大小朋友一同聯歡，派送關愛！
一眾義工首先踩單車到大埔工業邨收集本地製造商提供嘅點心 、乳酸飲品 及醬油 ，然後轉過彎就到 大埔過渡性房屋樂善村探訪長者及小朋友！
大青單車義工上門探訪大埔樂善村獨居長者及年青家庭，細心了解佢哋係樂善村嘅生活同需要！同時，義工團亦同樂善村居民玩遊戲同做健身操，除咗福袋之外，更準備咗青網義工親手畫嘅大埔風景塑膠彩畫 送畀樂善村嘅老人家！
