@ 
為慶祝中華人民共和國成立76周年，並賀新界鄉議局邁向100周年，由新界鄉議局主辦嘅「 羽毛球大賽之元朗約分站賽」，尋日（31/8）喺鳳琴街體育館圓滿舉行 。今次大賽由元朗民政處、荃灣民政處、大埔民政處、二十七鄉鄉事委員會及中國香港羽毛球總會等作為支持機構。
尋日朝早「開球禮」由新界鄉議局主席劉業強、全國人大代表沈豪傑、元朗民政專員胡天祐及元朗六鄉代表等擔任主禮嘉賓。賽事匯聚32支來自唔同地區及年齡嘅參賽隊伍 。現場每位運動員 都施展渾身解數，全力以赴 、盡展所長。今站比賽嘅 冠、亞、季、殿軍，可以參與將喺13/9舉行嘅總決賽，與其他分站之四強隊伍同場較量。
適逢第十五屆全國運動會即將舉行 。本屆賽事首次由粵、港、澳三地聯合承辦，意義非凡。期望各位參賽健兒及熱愛體育運動嘅巿民密切關注 賽事動態，熱烈支持 呢項盛事，喺社區營造熾熱嘅運動氣氛。
祝願祖國富強昌盛 、新界鄉議局薪火傳承！
@ 
@