@ 
1.尋日（5/9）油尖旺青年社區建設委員會(青建會）開咗第二次大會，今屆繼續重點推動社區美化。
會議由主席勞佩儀主持，傾咗好幾個美化工程：
-民政處尖東海濱「奧運星光大道」；
-梁顯利油麻地社區中心「青年城市運動場」；
-柏麗購物大道樹木射燈；
-塘尾道及暢運道天橋美化；
-加連威老道及豉油街景觀優化。
油尖旺民政處亦就嚟緊同「共創明TEEN」合作，美化北京道行人隧道工程諮詢委員。
2.油尖旺青建會轄下地區美化委員會尋日亦舉辦共創工作坊，感謝西九文化區代表安排。
委員會主席趙宇同委員一齊，以西九為主題，為美化佐敦道行人隧道創作。藝術家楊嘉美同埋民政處實習生Sam都有參與。
3.油尖旺青年發展及公民教育委員會（青發會）喺上個月開咗第二次會，主席魏麗霞帶領委員討論青年發展項目撥款。民政處少數族裔實習生Bibi都有參與。
青發會係油尖旺內地社媒帳號 嘅合作夥伴，成立約四個月以來，三個帳號共有超過5700萬次曝光同約460萬次互動。
4.活動方面，除咗青發會轄下社區體育委員會上星期喺三軍會舉辦嘅迎全運運動體驗日，九月稍後青發會轄下「一國兩制」推廣委員會將合辦「模擬聯合國」活動 及大灣區職涯規劃分享會。
模聯活動一共有12間區內學校參加，上月底同學參與咗第一次培訓，油尖旺民政專員余健強在場見到青少年對國際事務嘅興趣，希望之後嘅訓練同比賽有助開拓佢哋嘅國際視野。
