@ 
9月5日開學第五日， 荃灣警區警民關係組繼續走訪多間學校 向荃灣區內同學 派發禁毒宣傳單張，講解毒品「依托咪酯」 嘅危害 ，提醒年輕人認清毒品禍害 ，企硬——唔TAKE嘢！
除咗走訪不同學校 外，當然亦趁着開學首週呢個時候，去到荃灣市中心近大河道及荃灣街市街附近，設立「青年滅罪禁毒資訊站 」。除咗宣傳「依托咪酯」 一啖都咪制呢個重要訊息以外，更加派發防騙宣傳單張 ，向大家 宣傳防騙訊息 ，講解近期嘅騙案手法 ，提醒大家要時刻加強警惕 。特別鳴謝一眾「荃承計劃」會員，以及荃灣少訊會員，協力參予滅罪資訊站呢個活動。
