@ 
「塔巴」襲港期間 ，大埔區風勢頗強。南華莆一戶民居嘅食水喉被強風吹倒嘅菜棚壓毀 ，噴出大量食水並導致滲水；區內亦有樹木倒塌或公物搖搖欲墜嘅情況。大埔19支關愛隊同多個政府部門群策群力，情況好快得到處理！
大埔林村谷關愛隊迅速安排探訪南華莆被壓毁水管影響嘅單位，帶備樽裝水等物資探訪受影響嘅居民及作出支援 ，大埔民政處與村長及水務署隨即安排人手前往現場關喉，並緊密注視有無收到其他居民遇到水壓不足嘅情況。安排即日開展維修嘅同時 ，亦喺附近安裝街喉提供臨時水。隨後供水大約5時回復正常 ，村長對在場協助嘅各位表示讚賞。
區內其他關愛隊一樣重視強風帶來嘅影響，除咗協助將塌樹情況向民政處通報 ，亦喺風力減弱後巡視社區，幫忙發現廣福邨有墜落風險嘅電線、散落廣福道上並阻礙通行 嘅巴士站牌等大小情況，讓政府部門可以更快地跟進。
今次「塔巴」對大埔區影響較輕，但都同樣睇到地區上大家通力合作緊密溝通，絕對有助各司其職，服務好廣大市民。民政處會繼續努力！
