@ 
講起山東，除咗餃子同啤酒，大家又認識幾多？山東其實係一個充滿歷史文化嘅好地方
為咗慶祝國家成立七十五周年，南區民政處、南區青年團同南區青年發展及公民教育委員會喺30/7 - 3/8舉辦咗愛國主義教育系列：賀國慶山東歷史文化之旅。由南區民政專員鄭港涌帶領40名南區青年，當中仲包括南區區議會增選委員劉熙林同埋南區青年發展及公民教育委員會委員李穎心，一行浩浩蕩蕩出發到山東省嘅威海市同青島市，齊齊發掘山東嘅歷史寶藏
山東喺近代歷史上扮演非常重要嘅角色，第一站就去咗威海市劉公島嘅中日甲午戰爭博物館，參觀以北洋海軍同埋甲午戰爭為題嘅展覽、遺址同埋文物。唔講唔知，北洋海軍係中國第一支現代化海軍艦隊，當年就係喺山東威海市成立㗎喇！參加者仲可以登上北洋海軍主力艦「定遠號戰艦
」嘅一比一複製品，親身感受當年北洋海軍守護民族國家嘅決心。之後我哋仲去到青島市嘅中國人民解放軍海軍博物館，了解祖國海軍嘅發展同成就！
」嘅一比一複製品，親身感受當年北洋海軍守護民族國家嘅決心。之後我哋仲去到青島市嘅中國人民解放軍海軍博物館，了解祖國海軍嘅發展同成就！嚟到青島，當然要參觀青島啤酒博物館，認識一下佢嘅歷史、啤酒釀造過程同經營理念！館內保存咗超過100年嘅釀酒設備，令人大開眼界。博物館仲特別安排要員全程講解，更設「啤酒宴」招待團員。雖然未成年嘅團友無機會品嚐啤酒，但都無阻佢哋對博物館嘅興趣，大家都睇得好投入！我哋亦把握機會向在座各位宣傳，嚟香港「自由行」，體驗多姿多彩嘅盛事！
除咗以上景點，旅程當然唔少得青島市嘅著名歷史文化景點，例如青島科技館、德國總督樓舊址博物館、聖彌愛爾大教堂、中國海洋大學、八大關等充滿西式建築特色嘅地標。置身於呢啲靚景之中，個個都忍唔住留下倩影。
今次藉國家成立七十五周年，我哋特別安排山東之旅，希望一班年輕人除咗可以增值自己同擴闊眼界之外，亦可以加深對國家發展嘅了解，同時為作為中國人而感到無比自豪
