@ 
前日（17/9）發表嘅《施政報告》提出要繼續推動愛國主義教育，深水埗區喺九月份舉辦咗一系列嘅紀念活動，讓居民可以認識呢段艱苦抗戰歲月，珍愛和平。
1. 幼兒學校學生參觀抗戰紀念展覽
深水埗民政專員王浩宇前日(17/9)同香港基督教服務處石硤尾幼兒學校高班學生一齊參觀喺石硤尾社區會堂舉辦嘅中國人民抗日戰爭暨世界反法西斯戰爭勝利80周年紀念展覽。專員以深入淺出嘅方式，向小朋友分享抗日戰爭嘅歴史，並與小朋友交流互動，讓小朋友明白佢哋而家身處嘅幸福得來不易。
2 . 「中國歷史文化進校·區」之「紀念抗戰勝利80周年」活動系列
同日(17/9)，專員亦參加咗另一個抗戰講座，由資深傳媒工作者李贊祥主講，吸引咗超過100位參加者，講者帶領居民一同回顧抗戰歷史嘅艱辛歷程，同埋學習先輩堅毅不屈、自強不息嘅民族精神。活動由深水埗居民聯會及中海物業合辦，並獲深水埗民政處及深水埗學校聯絡委員會支持。
除咗講座之外，合辦團體九月初(1/9-12/9)亦有喺長沙灣政府合署大堂舉辦「紀念抗戰勝利80周年展覽」，多名深水埗區議員亦有到場支持，同在場居民傾談交流，細訴關於呢段抗戰歷史嘅點滴。
3. 抗戰電影欣賞會
抗戰電影以藝術嘅形式，為觀眾紀錄及呈現當年勇士在民族危亡之際如何奮勇抗敵，係文化寶庫中嘅瑰寶。9月份，多隊深水埗小區關愛隊及深水埔街坊福利事務促進會合共會分別舉辦四場抗戰電影欣賞會。嚟緊仲會有兩場，有興趣嘅街坊朋友就萬勿錯過啦！
1. 同學們
時間：9月23日(二) 2pm-4pm
地點：麗閣社區會堂
2. 駱駝客
時間：9月28日(日) 10am-12nn
地點：石硤尾社區會堂
