@ 
為全力支援不同文化背景嘅學員投考警察，*薪火計劃* 首次開辦「港警港情研習班」，協助學員了解更多香港本地歷史文化，培養愛國愛港情懷，為服務香港社群做好準備。
第2課由薪火導師艾石主理，由廣東話的嘅「九聲六調」開始，一齊跌跌撞撞笑住認識呢種迷人嘅語言！
誇張發音練習，告別常見錯音
急口令大挑戰（「郵差叔叔送信純熟迅速送出」 ）練習廣東話入聲字
「警民求生廣東話包」實用詞彙分享
學習一個地方嘅語言，就係打開果度文化同人心嘅第一度門。每一位學員都應該為自己嘅文化同母語自豪，同時亦以尊重同開放嘅心去擁抱香港社會呢個新家庭。香港並唔係只重金錢效率、香港人亦唔係表面上嘅充滿距離感，真正嘅香港及香港人——值得大家慢慢發掘及細味。
