@ 
為慶祝中華人民共和國成立76周年，大埔民政處聯同大埔各個地區團體精心準備咗精彩紛呈、充滿大埔特色同濃厚文化氣息嘅節慶活動，邀請你喺歡樂嘅氣氛中同賀國慶！
由9月27日起一連兩日，大埔寶湖道小型足球場有「國慶嘉年華暨同鄉市集」，現場設有76個攤位，包括家鄉特色商品、地道特色小食 ，仲有豐富獎品嘅攤位遊戲，等你滿載而歸！入場人士除可免費獲贈各款禮品（送完即止）外，喺市集消費滿$76，即可換領「大埔賀國慶76周年紀念禮罐」同會場限定禮物！
咪急住走！9月27日壓軸好戲喺林村河與大埔河交界舉行「水上舞台及煙火匯演」，將會有列入非物質文化遺產清單嘅「遊夜龍」、傳統舞蹈、粵劇、武術同音樂表演等，仲有河上煙火表演，全面展現大埔獨有魅力！
想再有驚喜？記得憑國慶市集商戶或大會發出嘅電子收據，參加「大埔 北區 沙田國慶消費大抽獎」，有機會贏取豐富禮物，包括價值超過港幣28萬嘅電動車一輛！
活動詳情如下：
國慶嘉年華暨同鄉市集
日期：2025年9月27至28日
時間：（9月27）下午4時至晚上10時
（9月28）上午11時至晚上8時
地點：大埔寶湖道小型足球場
林村河水上舞台及煙火匯演
日期：2025年9月27日
時間：下午6時至晚上9時
地點：林村河與大埔河交界
典禮匯演及煙火表演時間：晚上7時30分
約定你 ，27-28/9一齊玩轉大埔 ！快啲約齊親朋好友 ，齊齊喺大埔歡度國慶，感受濃濃節日氣氛！
