@ 
北區流動會客室自4月初次登場，轉眼間已經嚟到第六個月喇！
為咗接觸同服務更多市民 ，流動會客室連月來「心」入社區 ，由北區區議員輪流當值，了解市民所思所想 ，包括各項日常生活、交通出行等方面嘅意見 。街坊都好支持呢個計劃 ，向區議員提供咗唔少有關區內社區設施 、交通問題 等嘅寶貴建議。
喺超強颱風樺加沙過後，兩位北區區議員李冠洪同吳耀祖將「流動會客室」帶到粉嶺地鐵站C出口外，聆聽市民嘅聲音 。嗰度係好多北區市民出行嘅必經之路，當日唔少途經流動會客室嘅街坊都停低同議員表達意見，反應熱烈 。兩位議員處理咗唔少地區個案 ，涉及環境衞生、颱風清理及善後工作、交通運輸等議題。議員之後亦會繼續跟進意見 ，做好「上情下達、下情上達」，發揮好政府同市民之間嘅橋樑作用。
北區區議員將繼續秉持「時時見得到、事事幫到手」嘅精神 ，定期會見並聽取市民意見。北區流動會客室嚟緊每個月會繼續走訪唔同地點，咁多位街坊記得去北區區議會網頁 ，留意最新嘅會見市民計劃輪值表 喇！期待有你嘅參與 。
