@ 
1.上星期聯合國開大會，前日（28/9）油尖旺民政處、青發會及轄下推廣「一國兩制」委員會合辦模擬聯合國會議。
活動喺理工大學教務會議室隆重舉行，區內大部份中學都派同學參與。早前提到同學仔已經參與培訓 ，前日佢哋就喺會議扮演約二十個國家嘅代表，就關稅爭端以兩文三語發表意見。
外交部駐港特派員公署國際部主任王劍參贊頒獎畀青年，肯定活動成效，認同活動值得推廣。
其他主禮嘉賓包括政制及內地事務局副局長胡健民、全國人大代表黃冰芬、青發會主席魏麗霞、副主席陳正寧醫生、推廣「一國兩制」委員會主席潘志豪及香港理工大學學務長梅國威教授。
油尖旺民政專員余健強致謝辭時表示，活動除咗讓同學有機會接觸同香港有關嘅國際事務，亦可了解我國立場及明白國家於相關議題嘅考慮，同時擴闊世界視野及更了解國情。
佢亦感謝胡副局長勉勵青年及分享以國家代表團身份出席聯合國會議經驗。
余專員亦多謝三位青發會青年委員當評判，佢哋都有法律背景，事實上，活動係由其中―位委員陳栩妍於自薦計劃面試時提議。
2.余專員上星期六（27/9）同油尖旺青年委員會委員、青年網絡領袖及成員，參加民青局青年發展高峰論壇。
余專員亦出席當晚舉行嘅青聯會慶及就職禮。
