@ 
為慶祝國慶76周年，並適逢 中秋佳節將至，元朗民政處聯同元朗區慶祝中華人民共和國國慶統籌委員會及元朗各界協會喺尋日（1/10）起，一連七天，舉辦「元朗區日夜都 繽紛@ 天水。光影 」。活動透過璀璨奪目嘅光影燈飾及五光十色嘅大型戶外裝置，打造成以「 蝴蝶」為主題嘅特色打卡點，一齊感受元朗區嘅繽紛日與夜。
詳情如下：
開放日期及時間
活動日期 ：2025年10月1日至7日
活動地點：天水圍公園及銀座廣場
開放時間 : 上午10時至下午10時
尋晚為咗畀呢啲別出心裁嘅燈飾可以閃耀登場，主辦團體舉行咗啟動禮同亮燈儀式。儀式邀請到民政總署署長杜潔麗、中聯辦新界工作部副部長王卉、港區全國人大代表沈豪傑、港區全國政協委員梁志祥、元朗民政專員胡天祐等主禮嘉賓出席。
打卡區內嘅燈飾配合天水圍公園嘅氛圍，設計以「 蝴蝶」造型為主，並以「花卉 」及「五星 」襯托，包括「水蝶飛揚」（池畔燈飾 ）、「天蝶之源」（蝴蝶樹 ）等裝飾，又有「彩蝶逐香」（花蝴蝶投影 ）及「五星隧道 」，仲有深受小朋友 喜愛嘅「夢蝶迷離」（燈光互動遊戲 ）等。
「18區日夜都繽紛 」為市民提供源源不絕嘅精彩節目。元朗區繼去年3月及12月分別舉行「元。遊匯 」及「樂天大派對 」，成功吸引超過13萬人參加。為持續帶動區內熱鬧 氛圍及振興地區經濟，主辦單位今年特別呈獻「元朗區日夜都 繽紛@ 天水。光影 」活動，既為區内居民提供新嘅好去處，亦吸引區外市民及遊客順道遊覽元朗旅遊景點及品嚐美食。活動預計能吸引約5萬人次參與。我哋誠意推薦大家喺趁住國慶黃金周，齊齊嚟到天水圍 沉浸喺 璀璨絢麗嘅光影之中。
@ 