@ 
今集「區區有建樹」，友建樹會帶大家去到具有好多充滿香港特色同「港味」旅遊熱點嘅九龍城區！
九龍城區民政事務專員Ivanhoe，仲介紹咗近期熱爆嘅「九龍城寨光影之旅」展覽，同埋九龍城區嘅歷史文化同特色好去處俾樹樹知添；亦推介大家跟住樹樹去「龍城深度遊」特色旅遊路線發掘食、買、玩必到景點；重頭戲當然唔少得同大家去支持九龍城區嘅社企啦！快啲跟實Ivanhoe專員同樹樹 ，一齊感受「港味」濃濃嘅九龍城區啦~ Let’s Go！
「九龍城區「港味」特色之旅」
「九龍城寨光影之旅」展覽 - 去九龍寨城公園浸沉式欣賞香港電影金像獎最佳電影「九龍城寨之圍城」嘅電影場景 > 啟德體育園區 - 集地標式建築、大型活動、購物休閒及特色康體設施於一身 > 社企「新生便利店」- 售賣零食同日用品，支持精神復元人士重投社會 > 社企「樂善製作」- 提供活動統籌、設計及印刷服務，培育區內少數族裔及年青人 > 牛棚藝術村 - 身處戰前歷史建築，欣賞本地藝術家嘅創作成果 > 紅磡觀音廟 - 有150年歷史嘅一級歷史建築，除咗廟嘅內外造工精巧，仲吸引好多善信參拜！
「新生便利店」- 售賣零食、飲品同日常用品，推動精神復元人士重投社會。
地址：九龍醫院康復大樓地下/西翼大樓地下
電話：2194 6115
「樂善製作」- 提供活動統籌、設計及印刷服務，培育區內少數族裔及年青人，為弱勢社群提供就業機會。
地址：土瓜灣旭日街9號 港圖灣 1樓
電話：2133 7235
