@ 
「夜屯園」夜市返嚟啦！呢個星期五、六、日（10-12/10）一連3晚，屯門民政處、屯門區議會提振地區經濟專責工作小組，以及屯門各界協會再次喺屯門文娛廣場舉辦「18區日夜都繽紛@夜屯園」。場內將有特色香港「非遺」霓虹裝置、音樂 、美食攤檔 、即場登記參加霓虹導賞團／華服鈕花工作坊等等，畀大家盡情享受屯門嘅熱鬧氣氛！
屯門區兩個青年委員會喺現場設有特色攤位，其中屯門區青年發展及公民教育委員會嘅攤位仲會派發懷舊糖蔥餅，即製即派，數量有限，先到先得！
現場仲有多個懷舊香港情懷打卡位，有華服攤位 加懷舊香港街景畀大家任著任影，大家又可以同多個政府吉祥物，包括友建樹影相打卡 添！機會難得，影完相仲有得攞小禮物 ，記得一家大細一齊嚟玩啦！
另外，為咗響應全運會，今次「夜屯園」可以體驗全運會其中一個群眾項目 - 無人機足球，大家可以係導師指導下試駕無人機，到時記得嚟現場登記參加。名額有限，都係先到先得！
活動期間仲會有即買即減嘅優惠券 、幸運輪大抽獎 同埋附近商場購物優惠 ！咁多優惠咁過癮，仲唔快啲約埋屋企人 同朋友 呢個周末一齊嚟「夜屯園2025」吃喝玩樂！
「18區日夜都繽紛@夜屯園」詳情
日期：2025年10月10至12日（星期五至日）
時間：美食攤位及青年藝術工作坊（晚上6時正至10時30分）
現場音樂及文藝表演（晚上6時正至8時正）
地點：屯門文娛廣場
費用︰免費入場
