@ 
1.油尖旺「奧運星光大道」昨日揭幕，地點喺紅磡繞道近尖東一段臨海行人通道（紅館對出），好多人喺果度運動緩跑。
油尖旺民政處得到總部工程組幫手，喺隔音屏障面向行人的一面貼上本港喺奧運同亞運得奬嘅運動員大型相片，成為一幅面向維港嘅「體育名人牆」 ，以呢項工程向運動員致敬。
昨日好多位相中主角都有現身，淨係奧運獎牌同殘奧金牌得主就有：
2024巴黎奧運女子重劍個人賽金牌得主江旻憓
2020 東京奧運女團乒乓球銅牌得主（香港教育大學助理項目經理）李皓晴
2020 東京奧運女團乒乓球銅牌得主蘇慧音
六面殘奧田徑比賽金牌得主蘇樺偉
1996 亞特蘭大殘奧輪椅劍擊四面金牌得主張偉良
2024 巴黎殘奧硬地滾球個人及混雙金牌得主何宛淇
2016 里約殘奧 200 米自由泳金牌得主鄧韋樂
仲有2024巴黎殘奧港隊持旗手陳浩源
呢項工程獲跨界別支持，除咗民政及青年事務局副局長梁宏正及油尖旺民政專員余健強，主禮嘉賓仲有港協暨奧委會長霍震霆、中國香港殘奧委會會長馮馬潔嫻、海濱事務委員會主席何文堯、香港體育學院社區關係及市務總監李忠民等。
地區方面，除咗油尖旺區議員同東分區委員出席，仲有曾比意見嘅油尖旺區青年社區建設委員會（及轄下地區美化委員會）代表、油尖旺區青年發展及公民教育委員會（及轄下社區體育委員會）代表等。
佢哋見證運動員喺「奧運星光大道」，同不同族裔學生參與「火炬接力」。
「奧運星光大道」就喺「前紅磡鐵路貨運碼頭」上方，果度係政務司副司長「發展旅遊熱點工作組」嘅一個項目 ，短期內將發展成特色活動空間。
「奧運星光大道」經尖沙咀海濱花園連接「星光大道」，希望吸引更多居民同遊客到附近。
全運會辦公室今日亦借出吉祥物「喜洋洋」和「樂融融」展示，同大家一齊迎全運。
2.昨日油尖旺民政處亦支持油尖旺慶典委員會，喺九龍公園體育館舉辦迎全運羽毛球、乒乓球社區邀請賽。民政處同多個地區委員會和團體參與。
中聯辦九龍工作部副部長李文彬、余專員、慶典委主席陳麗芳及多位立法會議員為主禮嘉賓，和港隊代表參加表演賽。
3.為迎全運，尖沙咀栢麗大道賀國慶旗海佈置亦都加設全運同殘特奧項目燈牌 。尋日全運開幕倒數29日，燈牌正式揭幕，余專員同多位地區朋友都有到場打卡。
@ 
@