@ 
由新界區體育總會及北區體育會合辦 ，北區民政處及新界沙頭角區鄉事委員會協辦嘅「新界區際渡海泳錦標賽暨公開賽」12/10歷史性喺沙頭角禁區舉行。活動設有4個組別，以及分別長2公里及400米嘅賽道，其中2公里嘅賽道由沙頭角碼頭 出發，途經谷埔碼頭，再返回沙頭角碼頭。
保安局副局長卓孝業、北區民政專員卓穎然同一眾嘉賓都到場為健兒打氣 ，以及頒發獎項畀優勝隊伍同參賽者 。比賽吸引近600名泳手參加 ，大家都全力以赴，力爭上游 ，碼頭上嘅fans都熱血沸騰 ，不斷加油吶喊，睇到非常肉緊。
除咗比賽，觀眾仲可以睇到無人海上救援艇嘅操作示範 ，了解智能科技如何提升水上安全 。難得嚟到沙頭角，大家順道欣賞沙頭角嘅風貌同獨特景色 ，到處打卡。
