@ 
上周六(11/10)，深水埗民政處青年發展網絡「深青躍動」舉辦嘅「活力保齡賀國慶」計劃正式啟動！啟動禮有幸邀請到首位香港保齡球世界冠軍胡兆康到場分享，一班同學仔非常興奮，場面熱鬧。
深青躍動為慶祝中華人民共和國成立76周年及響應第十五屆全運會，特意籌備今次嘅保齡球培訓計劃，期望透過計劃加深本區青年對保齡球運動嘅了解，等佢哋緊貼國家體育嘅最新發展。
培訓計劃內容豐富，包括：
訓練班：由基礎技巧到實戰策略，強化節奏掌握與身體協調
工作坊：由專業教練介紹保齡球基本知識同禮儀，分享行業前景同運動職業機會，仲會講解保齡球項目納入全運會，以及喺香港賽區舉辦嘅標誌性意義
壓軸挑戰賽：讓學員喺國際標準場地中切磋球技，鍛鍊喺壓力下冷靜分析嘅能力
深水埗民政助理專員陳樂桐、三位深青躍動顧問陳狄安校長、陳國偉議員、梁媛琴校長、以及保齡球教練陳健榮都有出席啟動禮以示支持。
期待學員們喺壓軸挑戰賽嘅終極一戰，展現訓練班嘅學習成果！
