@ 
南區上年因為特大暴雨而水浸坍塌嘅場景仍然歷歷在目。南區區議會地區設施及工程委員會一直聯同多個政府部門，積極跟進南區多個水浸黑點，為大家把好關！
我哋地區設施及工程委員會嘅委員一直希望可以更切身了解疏導雨水同清理渠口嘅工作流程，港區全國人大代表兼地區設施及工程委員會主席朱立威8月9日帶領多位南區區議員、委員，以及多位新加入嘅增選委員，與南區民政處、渠務署、食環署以及路政署嘅同事一齊實地視察公共排水系統清理工作。
今次視察地點喺海洋公園道。各部門向大家仔細講解整個公共排水系統（包括主渠、支渠及路旁集水溝）嘅清理過程，更同大家分享工作上嘅挑戰，了解到疏導雨水同渠道維修嘅工作並唔簡單。分享過後，大家都爭取機會詢問更多技術上嘅細節，亦即場同多個部門反映區內意見。
今次跨部門實地視察加深咗委員對部門工作嘅了解，令大家都可以用親身經驗，有效加強與各部門合作，解決區內渠務問題。
@ 
@