@ 
尋日(22/10)，大埔民政處邀請到運輸及物流局同民航處代表，向大埔區議員簡介有關發展香港低空經濟嘅其中一項措施 - 沙盒試點項目。
民航處代表除咗講解如何落實監管沙盒試點項目，亦善用大埔嘅試點項目分享低空經濟嘅巨大發展潛力。目前區內已經有由科學園至大埔海濱公園嘅無人機配送服務 正在進行測試。透過地面配送 ，同一段路需要40-50分鐘 ，但無人機配送只需5-10分鐘，大大減少所需時間 。無人機嘅效率令生意往來會更快更方便，大家都相信有關項目能推動地區經濟發展！
大埔區過往多次成功舉辦大型無人機匯演，區內亦有不同嘅無人機普及機構同項目，對低空經濟嘅關注非常熾熱。專員同一班出席嘅區議員都相信，大埔區喺未來會繼續作出貢獻，配合開拓測量、建築保養、航拍匯演同搜救等更多無人機應用場景，惠及更多區內市民！
