@ 
第15屆全國運動會仲有16日就開幕啦 ！
深水埗區迎全運活動一浪接一浪！日前（19/10），深水埗區排球比賽2025喺花墟公園圓滿舉行。
當日賽事非常緊湊，16隊參賽隊伍使出渾身解數，力爭佳績，為區內居民上演咗連場精彩對決！比賽由深水埗體育會主辦、深水埗民政處協辦。民政專員王浩宇仲帶埋同樣鍾意打排球嘅「深Duck」，同體育會副會長岑志邦一齊到場支持一眾健兒。
嚟緊至全運會期間，深水埗區仲會有兩場體育比賽㗎，分別係26/10（本週日）網球邀請賽暨親子網球比賽，以及16/11分齡田徑比賽，務求繼續推動區內運動氣氛，喜迎全運。大家記住要多做運動之外，亦要緊貼全運會賽事，一齊為運動員吶喊助威！
