@ 
為慶祝國慶 76周年，北區整個十月都有好多精采慶祝活動，同巿民一齊歡度節日。近日，北區民政處就聯同 龍山同 鳳水兩個分區委員會合辦 「北區慶祝中華人民共和國成立76周年國慶酒會」 。今年嘅國慶酒會，北區各界代表同政府部門代表聚首一堂，現場氣氛好熱鬧 ！
北區民政專員卓穎然、中聯辦新界工作部副部長李功勛、港區全國政協委員兼北區撲滅罪行委員會主席陳文洲，同埋龍山及鳳水兩個分區委員會嘅代表蒞臨主禮。一眾社區賢達喺酒會上聚首一堂 ，分享國慶嘅喜悅 ，向祖國送上祝福。
龍山同鳳水兩個分區委員會嘅主席喺活動上更呼籲大家喺12月7日立法會換屆選舉當日齊齊踴躍投票，共建美好未來 。
