@ 
重陽節將至，屯門區防火委員會委員聯同屯門民政處及香港消防處同事、屯門區社區應急先鋒名譽會長及社區應急先鋒，一齊喺屯門區各主要掃墓地點進行「重陽節前夕防止山火」宣傳活動，提醒市民防止山火。
除咗安排流動廣播車穿梭區內多個掃墓地點播放防止山火信息，大家仲喺區內多個地點同鄉村向街坊及行山人士派發防火宣傳單張同紀念品。防火委員會早前亦喺區內懸掛宣傳橫額及郵寄 宣傳海報畀區內屋苑及鄉村，鼓勵社區合力宣傳防止山火訊息。
大家掃墓時要小心處理火種，確保燃燒嘅香燭及冥鏹徹底熄滅先離開。屯門區嘅綠水青山，要靠大家齊心守護，一齊保護我哋珍貴嘅自然環境！
@ 
@