@ 
踏入認識祖國之旅第四日（8月9日），大家一早就乘搭高鐵列車由成都往重慶。抵步後隨即走到三洞橋社區中心，聽取楊坤玖老師講解國粹川劇嘅戲曲講座，認識咗唔少變臉同埋川劇嘅知識。之後更欣賞咗現場嘅變臉表演。真係好精彩，現場仲有中國非物質文化遺產「剪紙」及「糖畫」，讓一班會員去體驗及親手製作 ，令大家深入了解中國非物質文化遺產嘅特質。而現場更有來自當地社區學生跟大家交流，分享兩地學習文化，真係獲益良多呀。
第五日（8月10日），走進「長安汽車」公司，了解重慶的造車歷史及新能源汽車發展。最令大家興奮的是可以親身坐落極新科技嘅新款能源汽車架車上邊體驗一番。依個行程令大家了解到祖國企業在新能源汽車上的開發及研究成果，真係大開眼界呀。
下午大家又去咗一座仿古民族建築「重慶市人民大會堂」，依個係重慶市重要地標之一。有幸可以進入會堂內部參觀，感受呢座標誌性建築嘅宏偉。接住又走訪「重慶抗戰勝利紀念館」，紀念館位於黃山，有別於平時一座座嘅博物館。參觀咗紀念館嘅孔二小姐別墅，草庭等等，館內詳細描繪當年重慶抗日戰爭戰況，亦展出多種文物，大家都睇得好入神，了解唔少中國近代歷史。會員唔需要淨係對住教科書，而係腳踏實地咁邊走邊學，牢記住中國嘅歷史。
食過晚膳，就放鬆吓，一行人去咗南濱欣賞重慶兩江交匯嘅夜景，景色真係好靚，會員趁機影咗唔少靚相之餘，亦都認識到重慶近年急速經濟發展及地理情況。
呢兩日嘅活動告一段落，距離返香港仲有兩日，大家記得留意之後嘅精彩行程呀。
@ 