@ 
12月7日就係2025年立法會換屆選舉嘅投票日。選舉嘅順利舉行對香港尤關重要，大埔區議會、三會、青年委員會以及關愛隊，會持續積極宣傳，齊齊呼籲市民投票，亦利用大埔綜合大樓同社區會堂嘅電子螢幕，播放宣傳投票信息！
11月2日，大埔民政處聯同大埔南及大埔北分區委員會、撲滅罪行委員會、防火委員會一眾委員，整個下午喺街站派發宣傳單張及紀念品，呼籲大家履行公民責任，投票彰顯選民嘅選擇。唔少街坊都非常支持，表示一定會抽空去投票！
此外，香港青年協會嘅義工由1/11起連續多日喺區內鼓勵市民積極參與選舉，亦得到大家支持。周末期間大埔墟站外嘅街站有多位來自大埔區青年社區建設委員會、青年發展及公民教育委員會以及大埔青年網絡嘅委員到場，而青年專員陳瑞緯亦專門喺星期日，親身同一眾年輕義工一齊向市民宣傳！
距離選舉投票日只剩約一個月，大埔民政處會繼續聯同各方，馬不停蹄進行宣傳，令更多市民都投入選舉，共創未來！
@ 
@