@ 
1.油尖旺多元文化活動中心（MAC)尋日（8/11）有活動呼籲印度裔及尼泊爾裔居民喺「12.7」投票。
油尖旺民政專員余健強以英語簡介立法會功能及組成，仲有尼泊爾文傳譯，畀大家更清楚立法會選舉點解同自己同家人息息相關。
余專員亦多謝新家園協會黃頌團隊響應民政處呼籲舉辦活動，並再鼓勵佢哋臨近選舉再舉辦更大型活動，提醒各族裔選民12月7日投票。
2.其他族裔方面，上周日我哋趁香港巴基斯坦協會喺區內京士柏會所舉行迎全運嘉年華，到場宣傳選舉 。
3.助理專員黃思齊上月底就喺中孟友好中心等機構舉辦嘅廣東話班畢業禮借機宣傳。
4.油尖旺民政處亦多謝斯里蘭卡駐港澳名譽領事館協助向斯里蘭卡香港選民宣傳。
5.同鄉社團方面，余專員日前到香港甘肅聯誼會「四中全會精神宣講會」，同執行會長譚岳衡議員及該會
6.其他領導（包括油尖旺區議員歐楚筠及西分區主席丁天佑），向近200位參加者宣傳「12.7」。
7.余專員上周亦到旅港海南同鄉會喺油麻地會址舉行嘅同類活動，呼籲同鄉社團全力支持「12.7」。
8.油尖旺民政處亦喺轄下社區中心、會堂及諮詢中心布置選舉宣傳橫額及海報，亦喺各場地顯示屏播放選舉宣傳片 。
「全港大灣區海濱游泳賽」今日喺紅磡舉行以迎全運，由油尖同九龍城兩個康體會合辦，約700名參加者不同年紀，來自大灣區不同城市。
民政處帶埋「票箱家族」出席開幕禮，余專員及九龍城民政專員蔣志豪亦向在場香港居民呼籲喺立法會換屆選舉投票。
