@ 
1. 油尖旺民政處不斷升級梁顯利油麻地社區中心嘅球類設施，添置一個3x3籃球架、七張乒乓波枱、匹克球網同劃羽毛球場線。
民政處成立嘅排球區隊及匹克球區隊已經喺「梁顯利」戶外球場（即係疫情時排隊檢測果度）恆常練波，地點方便，歡迎大家多用設施打波。
油尖旺區青年社區建設委員會（青建委）有傾過點樣善用個場同改名，就將戶外多用途球場及相連嘅室內操場叫做「油麻地運動中心」（YMT Sports Hub）。
上星期六（22/11），教育局局長蔡若蓮、油尖旺民政專員余健強、中國香港乒總主席余國樑同油尖旺青建委主席勞佩儀一齊揭幕。
2.同場上演九龍校長盃乒乓球賽。除咗上述四位嘉賓，乒總總教練李靜、港隊球員黃鎮廷及九龍地域校長聯會兼油尖旺區校長會主席梁冠芬都有落場。
好歡迎教育局九龍同事及「九域」多位成員到場，包括創會主席范錦平及董事會主席黃廣威等，亦特別多謝兩位校長司儀陳淑儀及李潔明。
3.唔少得當然係再次呼籲校長以身作則，喺立法會換屆選舉投票。場地亦以選舉主題布置。
4.油尖旺民政處上周末再次喺日常工作宣傳「12.7」：
·喺維港泳尖沙咀星光大道終點設宣傳站；
·喺香港女童軍總會周年晚宴，配合主禮嘉賓政制及內地事務局局長曾國衞，帶埋各式宣傳品向在場數百位嘉賓呼籲「12．7」投票；
·余專員除咗出席上述活動，亦分別去咗香港優才及專才協會及油尖旺社區網絡新動力喺尖沙咀「五支旗桿」嘅街站，同多名青年一齊宣傳立法會選舉。
講開油尖旺青建委，佢哋今個星期開會前會有今屆第二次共創工作坊，今次同康文署合作，以博物館為主題，為九龍公園設計壁畫。
@