@ 
油尖旺持續呼籲大家投票，呢期對象輪到新登記選民及商界。
1. 油尖旺民政專員余健強多謝西分區委員會及香港優才及專才協會響應號召，前日（24/11）特登喺旺角街坊會合辦座談會，鼓勵新登記選民投票。
2.余專員早前（22/11）亦出席優專才協會喺尖沙咀會址嘅「永居」講座，同勞工及福利局副局長何啟明一齊宣傳「12.7」。
喺活動前，余專員到優專才尖沙咀街站，喺民政處以選舉主題布置嘅五支旗桿基座前，同會長孫曦及主席陸海天等一齊呼籲大家投票。
3.余專員前日就到油尖旺工商聯會董局會議，呼籲工商界向員工提供投票便利。
4.嚟緊星期六晚（29/11），余專員將到果欄會慶，向近千名從業員及商販呼籲。
5.星期日（30/11）上午，油尖旺民政處將同全港各區工商聯，喺旺角街坊會外設街站宣傳。
6.同日，旺角街坊會將同九龍中醫師公會合辦活動宣傳「12.7」，余專員都會出席。
7.區議員方面，尋晚（25/11）嘅區議會流動會客室，輪到區議員鍾澤暉同楊鎮華向市民宣傳選舉。
@