@ 
觀塘區 一直孕育無數喺學業 、體藝 、社區服務同社會關懷等方面閃閃發光嘅未來棟樑。觀塘區傑出學生協會自2006年起每年均舉辦「觀塘區傑出學生選舉」，目的正係要表彰區內學生嘅多元才華與卓越成就、建立積極嘅學界風氣，鼓勵學生們嘅全人發展。
本屆選舉共收到來自24學校、約139份報名。經過嚴謹評選，最後有40位優秀同學脫穎而出，成為本年度嘅傑出及優秀學生。恭喜所有得獎同學 ！
為嘉許同學們嘅出色 成就，觀塘區傑出學生協會尋日（20/12）喺觀塘瑪利諾書院舉行頒獎典禮。觀塘民政助理專員張家朗、觀塘區傑出學生協會主席卓紫珊、觀塘區家長教師會聯會主席畢褘為活動主禮。一眾觀塘區區議員同中學校長亦有到場，為所有得獎 同學打氣 ，一齊見證 佢哋努力嘅成果。
「觀塘區傑出學生選舉」嘅意義，遠超於一個獎項。歷屆得獎者於完成學業後，大多仍持續投入社會服務，貢獻所長，例如有得獎者就曾透過民政及青年事務局嘅「青年委員自薦 計劃」獲委任為觀塘區青年委員會嘅委員，為推動觀塘區青年事務出謀獻策 ，繼續喺另一個平台服務社區。
期盼各位得獎同學繼續喺人生路上發光發亮，並喺畢業後 積極回饋社會。
@