@ 
今日 (12月22日) 喺鴨脷洲，由鴨脷洲邨關愛隊、林玉珍議員辦事處聯合舉辨嘅「公營醫療收費知多少」講座順利舉行，近百多位街坊出席，一齊了解2026年起公立醫院及門診嘅新收費安排，同埋如何透過 HA Go 查詢全年醫療開支上限。
講座以簡單例子同實際場景，講解各類收費的調整，例如住院服務、門診專科及普通科診金、藥費等，以及長者常用服務嘅收費重點，長者們都好投入發問，現場氣氛輕鬆又實用。
多謝一班義工同關愛隊隊員同場協助同解答街坊疑問，等長者可以更安心掌握醫療資訊，為自己同家人做好健康保障。