@ 
科技日新月異，如何好好利用科技進一步便利生活，係一個重要課題。觀塘關愛隊亦要不斷與時並進，因此觀塘民政處尋日（22/12）喺秀茂坪社區會堂，舉行「港話通：香港市民嘅AI好幫手」培訓講座，向關愛隊成員介紹相關資訊及香港喺AI發展方面嘅最新成果。
今次講座邀請到由香港科技大學領導、多所大學共同參與嘅香港生成式人工智能研發中心團隊向關愛隊介紹「港話通」呢個港產智能聊天機器人應用程式，以及如何利用呢個好幫手令市民即時取得安全、可靠、便利嘅資訊，例如查詢當日天氣 、上班前掌握巴士到站時間 、午飯時尋找特色餐廳，或者了解政府服務、獲取最新社區資訊等，令大家日常生活更方便 。
活動吸引超過50位觀塘關愛隊隊員及義工參加 。講座期間，一眾觀塘關愛隊成員用心聆聽 ，學習如何使用「港話通」呢個港產智能應用程式，親身感受到AI嘅威力。民政處亦鼓勵關愛隊協助推動街坊，包括長者利用智能軟件以更快捷可靠的途徑獲得衣食住行等方面嘅有用資訊，讓大家能切身感受到人工智能技術帶來嘅便利，讓「港話通」成為日常生活「好幫手」 。
