@ 
東區民政專員兼東區區議會主席陳尚文，15/8率領東區區議員到尖沙咀香港歷史博物館參觀國家安全展覽廳。
由香港特別行政區維護國家安全委員會主辦，中央人民政府駐香港特別行政區聯絡辦公室同中央人民政府駐香港特別行政區維護國家安全公署支持嘅國家安全展覽廳，佔地約 1,100 平方米，共分為6個展區，更有影院播放短片，畀觀眾回顧中國近代史同認識國家安全嘅重要性。
展覽有多個展板介紹中華人民共和國嘅成立、國家象徵標誌嘅設計、「總體國家安全觀 」20個安全領域、「一國兩制」同香港維護國家安全法律等豐富內容，亦設有三維影院、多項互動遊戲，同埋動畫播放，除咗可以增加趣味性，亦加深大家對國家安全嘅認識。
展覽廳展出多個獨特、具權威性同埋獲官方核准嘅展品，亮點展品包括國家航天局借展嘅珍貴月球土壤、北京市人民政府送贈於2020年6月30日《香港國安法》頒布實施當日喺天安門廣場飄揚嘅國旗、由國家博物館送贈嘅《開國大典》油畫 1：1比例嘅複製品、中國人民銀行首次發行嘅人民幣鈔票樣本、首次喺香港展出1：9 高達6米嘅長征五號B運載火箭模型等。
東區區議會主席同一眾區議員參觀國家安全展覽廳後真係獲益良多，不但能夠回顧中國近代史，進而體會國家安全嘅內涵同重要性，亦令佢哋深深感受到中華民族嘅偉大。
@ 