@ 
油尖旺為旅遊區，今年按傳統喺多處掛上佳節燈飾，雖然冇舉行儀式，但仍願帶畀大家平安同祝福。
油尖旺民政處有參與嘅地方包括：
1.「西九聖誕小鎮」月中開放以來大排長龍，除咗有油尖旺民政處贊助同協辦嘅聖誕森林（有60棵聖誕樹，最高有12米），亦設有聖誕市集，請新家園協會嘅少數族裔青年擺賣特色手作。
市集將會開放到31/12；聖誕樹就會開放到1/1，大家快啲把握時間去「打卡」。
上星期六（20/12），油尖旺南分區委員會就同西九合辦導賞團，畀區內少數族裔同基層家庭參加，油尖旺民政專員余健強及分區會主席江正本等同大家一齊分享節日氣氛。
2.今個禮拜開始，油尖旺民政處同市建局連續第二年，喺旺角花墟合作設燈飾，掛至農曆新年。
今年市建局特別喺花墟近「雀仔公園」嗰邊，以雀鳥形狀修樹和加燈飾。
3.尖東聖誕燈飾就有超過40年傳統，油尖旺民政處今年繼續提供部分贊助。
4.油尖旺民政處連續第六年請區內非政府機構合作，請少數族裔創作具油尖旺特色嘅電子聖誕祝福圖。今年多謝香港基督教服務處同印度裔青年Priya幫手。
@