@ 
近年，極端天氣頻生，定期巡查、清淤及修理鄉村渠道，確保區內鄉郊渠道有效發揮排水效能 ，減低對村民嘅影響一直係沙田民政處嘅重點工作。 2025年臨近尾聲，沙田民政處藉此回顧今年應對惡劣天氣嘅準備工作同埋渠務工程！
今年7月颱風韋帕及10月颱風樺加沙襲港 ，為免鄉村排水渠淤塞，導致水浸，沙田民政處於颱風來臨前多次清理轄下排水渠嘅淤泥、落葉 同埋碎石 ，確保渠道通暢。沙田民政處同事亦積極協調區內有關部門 一同做好準備工作 。颱風過後，工程組全速安排清理倒塌嘅樹木 及修理損壞嘅鄉村設施。
此外，沙田民政處亦一直積極改善鄉村範圍內嘅排水系統 ，除咗喺5月完成改善沙田排頭村行人徑及排水渠，喺7月亦完成翻新大水坑南街附近嘅排水系統及地台。翻新後嘅排水系統將更有效地去除地面積水 ，由此降低水浸風險 保障行人安全。
民政處感謝鄉村居民嘅支持同配合 ，讓工作得以順利進行 ！ 2026年，沙田民政處會繼續進行多項鄉村排水疏浚工程，盡量讓鄉村地區免受水浸影響！
