@ 
踏入2026年，東區民政處一年一度嘅重頭活動—東區文化節載譽歸來！星期六（10/1）黃昏，東區藝術地標Oi!油街實現化身成露天電影院，播放勵志電影《破風》，以別開生面嘅方式讓社區感受呢個文化設施嘅濃厚氛圍！
現場有百多名市民街坊觀賞，當中亦有透過關愛隊組織嘅基層家庭參與。現場設有充氣梳化、咕𠱸同單車主題布置，仲有即製爆谷同暖飲，等大家喺又chill 又暖心嘅環境，享受滿載正能量嘅電影。東區民政專員黎旨軒、立法會議員植潔鈴、一眾東區區議員同三會成員一同參與。
油街實現位處東岸板道西端入口，今次活動亦係「躍動東區海濱系列」之一。發展局海港辦事處代表特意到場，向街坊介紹剛剛全面貫通嘅東岸板道嘅不同特色，亦特別提到「海濱共享空間」管理模式，令市民可以喺共享徑作踩單車、緩跑、健行等不同活動。
油街實現同東岸板道，都係政府透過重新規劃土地，再運用創意，喺擠迫嘅市區創造公共空間。喺今年1月至3月，「東區文化節」及「躍動東區海濱系列」會有更多活動舉行，讓東區設施更連繫社區、融入生活。大家唔好錯過呀！
