@ 
由沙田民政處、六個沙田分區委員會（大圍分區會、沙田市中心分區會、沙田圍分區會、小瀝源分區會、馬鞍山北分區會、馬鞍山南分區會）及沙田居民協會合辦嘅「沙田動起來 」新興運動體驗日昨日(25/1)喺圓洲角社區會堂順利舉行！沙田民政助理專員鍾碩華、各分區委員會主席同埋沙田居民協會代表到場主禮，同沙田街坊一齊「動起來」！
活動透過一系列新興運動試玩及體驗環節，鼓勵沙田區街坊及中小學生培養運動習慣，其中包括「沙田區學校躲避盤挑戰賽」，七間沙田區嘅中小學為咗爭奪冠軍寶座傾盡全力，活力爆棚；「六分區桌上冰壺友誼賽」，眾多委員分組對戰，鬥智鬥力，緊張精彩！多個體驗攤位亦吸引超過300位唔同年齡嘅街坊試玩繩流、穿雲箭、布袋球等7款老少咸宜嘅新興運動！現場嘉賓同街坊都玩得十分投入，參加者仲可以換領一條健身拉力帶，返屋企繼續運動！希望各位沙田居民都搵到心儀嘅新興運動，共同建設健康活力社區！
@ 