@ 
深水埗民政處一直致力從多方面改善大廈管理，務求令區內居民住得更舒適放心！同各部門及地區團體合作舉辦咗多個活動，提升大廈環境衞生、環保意識同防火安全意識。一齊回顧一月份嘅重點活動啦：
清潔大廈工作 - 為區內「三無大廈」及法團已停運大廈提供清潔支援，包括梯間洗地、清理家居垃圾及放置捕鼠器。今年目前為止，已完成31棟大廈嘅清潔工程。
大廈管理專題講座(15/1) - 邀請咗「綠在深水埗」及環境保護署代表，向40位法團委員及業戶講解分類回收、《減廢回收約章》等最新環保資訊，加深參加者對綠色生活及大廈管理嘅認識！
防災應急共融日宣傳活動(29/1) - 防火委員會聯同民政處、消防處、食環署、關愛隊，以及福華街販商協會，向商販及住戶派發宣傳單張，呼籲大家參與即將舉行嘅聯合防火演習，防患未然！
除咗以上三個項目，今個月(22/1)仲舉辦咗深水埗區安裝家居煙霧感應裝置啟動禮，向街坊派發應急福袋，同埋安裝煙霧感應器。
關於大廈管理同防火安全嘅活動，二月份陸續有嚟，誠邀各位街坊一同參與，共建更安全、更和諧嘅社區！
活動預告:
深水埗區防災應急共融日 - 排檔 x 大廈聯合防火及AED演習
日期：2月5日（星期四） 下午3時 - 4時
地點：福華街與北河街交界
深水埗區防災應急活動日
日期：2月8日（星期日） 下午1時 - 5時30分
地點：楓樹街遊樂場
@