@ 
九龍城民政處聯同25隊關愛隊，繼續攜手與慈善團體「潤愛同行」展開2026年「九龍城區關愛大行動」。關愛隊協助識別區內有需要同合資格嘅居民，由「潤愛同行」安排專業維修技工同義工，為居民提供為期一年嘅免費非緊急家居維修及清潔服務，惠及基層市民，改善民生。
尋日（2/2），九龍城民政專員兼九龍城區關愛隊總指揮蔣志豪、「潤愛同行」主席周明以及九龍城區議員左滙雄聯同愛俊關愛隊探訪咗一戶雙老家庭，同佢哋傾偈，送上關懷，並為關愛隊嘅工作加油。戶主林伯伯同太太喺愛民邨住咗50年，已經超過80歲，行動不便。經過評估後，關愛隊同「潤愛同行」即時為佢哋安裝扶手同更換光管，締造安全嘅家居環境。戶主夫婦亦感謝關愛隊提供適切嘅維修服務。
其後，蔣專員向「潤愛同行」頒發感謝狀，讚揚佢哋秉持「潤澤社群，關愛民生」嘅宗旨，與九龍城區居民同心共建美好社區！
未來，關愛隊會繼續定期上門探訪有需要人士，並與不同機構合作，提供暖心嘅服務，繼續發揮「民政幫到你」嘅精神。
