@ 
由沙田民政處及沙田節日燈飾統籌委員會合辦嘅2026沙田新春燈飾及藝術裝置亮燈喇！
上星期日(1/2)，社會各界人士同巿民齊聚沙田大會堂廣場，參與沙田區年度盛事「馬躍新春燈耀沙田」亮燈典禮。典禮由中聯辦新界工作部副部長朱宜華、沙田民政專員余懷誠、沙田節日燈飾統籌委員會主席張子賢、沙田各界大聯盟主席潘國山、署理沙田警區副指揮官陳財興及沙田康樂事務經理周珮珊主持，另有13間區內學校及團體精彩演出，仲有歌手到場獻唱。活動吸引超過3000位市民同多位嘉賓親臨欣賞場面熱鬧氣氛愉快！
今年燈飾裝置一大亮點就係沙田大會堂百步梯嘅天幕投影慶賀新春同埋熊貓帶你遊沙田嘅動畫，配以樓梯間嘅閃燈裝置，帶嚟一個立體藝術光影效果空間。另外，沙田公園亦豎立咗以傳統花牌設計嘅發光藝術牌坊，串連毗連嘅瀝源橋閃爍繽紛燈影隧道同城門河畔燈串。除咗沙田大會堂廣場，沙燕橋、大圍八爪魚天橋、沙田公園及沙田港鐵站B出口嘅燈飾亦非常吸睛。
燈飾裝置會喺1/2-3/3每晚6點至10點期間亮燈。歡迎大家喺即將來臨嘅情人節、農曆新年、元宵節，約埋至愛同親戚朋友一齊嚟打卡感受燈影帶來嘅溫馨喜悅氣氛！
