@ 
馬年將至 ，北區民政處喺人流暢旺 嘅地點 ，包括上水同粉嶺港鐵站 嘅行人天橋 、北區大會堂、粉嶺遊樂場 、區內主要幹道等，布置新春主題燈飾 及巨型賀年裝置，為北區注入喜慶嘅節日氣氛 。
今年燈飾設有不同造型嘅馬仔，包括可愛嘅萌馬 ，化身成吉祥物進駐上水及粉嶺一帶，守護大家四季平安 ；仲有威武嘅駿馬 喺新運路同沙頭角公路迴旋處 跳躍奔馳，伴隨住閃亮彩燈帶，喻意北區居民馬年行好運、路路平安。大家喺北區各處都可以見到打卡點，感受節日嘅歡樂同溫暖 ，齊齊開心迎接馬年 ，共度溫馨佳節 。
北區民政處仝人祝大家馬年進步 、龍馬精神 、馬到功成 、心想事成 ！
