@ 
灣仔西分區委員會日前（7/2）聯同灣仔青年聯會喺禮頓山社區會堂舉辦「『非遺新說』灣仔傳承文化節」，推廣非物質文化遺產（非遺），加深灣仔居民對中華文化嘅認識。
當日嘅活動非常豐富，除咗有中國舞、漢服catwalk、粵劇、舞獅同埋功夫表演，更設有互動工作坊，大小朋友都可以親身體驗非遺文化工藝製作，例如採用漆器髹飾技藝製作漆扇、運用拓印技術設計利是封、以押花藝術DIY創作書籤及匙扣、應用VR技術嘅非遺體驗裝置等。
除咗灣仔民政處外，當日更邀請到中聯辦港島工作部副處長王海龍、灣仔西分區委員會主席閻偉寧及副主席陳宇澤、活動工作小組組長宋芝齡、灣仔青年聯會執行主席周振傑、灣仔區議員以及其他嘉賓出席參與活動，同大家一齊感受非遺嘅獨特魅力。
@ 