@ 
今日大年初一（2月17日）早上，美孚新邨發生私人食水喉滲漏事故。由於係農曆新年假期期間 ，屋苑未能即時安排維修人員。水務署團隊應屋苑管理處請求，隨即到場協助關水並展開緊急搶修工程 。
深水埗民政處與水務署及屋苑管理處保持緊密溝通 ，協調各方工作，讓工程順利開展；區議員及關愛隊透過多個社區渠道及時向受影響居民發布最新消息 。
水務署於屋苑內設置三部水車及多個臨時水缸，方便居民取水，並安排額外水車及臨時水缸喺屋苑附近侯命，以在有需要時快速到達；關愛隊亦迅速動員十多位義工，協助居民取水，並為長者及行動不便嘅居民送水上門 。
事件一度影響美孚新邨第五期及第六期共20多座大廈嘅食水供應。經水務署工程人員協助供水調度將受影響大廈減少至5座，以及協助全力搶修 ，維修工作於今日下午約6時30分順利完成 ，食水供應亦已隨即全面回復正常。
民政處感謝水務署、區議員以及美孚南關愛隊喺大年初一仍全力投入，為居民送上及時支援與關懷 。
馬歲新程，深水埗民政力量將一如既往秉持「民政幫到你」嘅精神，急居民所急，繼續與社區並肩同行。
