@ 
呢個新春，葵青區青年網絡一班青年早前（11/2及14/2）聚首一堂，透過傳統糕點製作、手作工作坊及社區探訪，以不同方式感受節日意義，並將祝福與溫暖送到區內長者身邊。
茶粿手作・品味傳統
青年親手揉製茶粿，從製作過程認識中華節慶文化中「團圓」嘅精神，體會傳統手藝背後嘅溫度與傳承。
利是再生・手作傳情
青年將回收利是封升級再造，親手製作新年掛飾，透過一剪一貼，將環保意念融入節日氛圍。完成後，作品更化作祝福，於探訪時送贈長者，讓手作更添心意與溫度。
新春送暖・暖心探訪
青年帶同滿載祝福嘅福袋，走進區內探訪獨居及雙老長者，送上節日問候，細心傾聽近況，關心日常生活需要。呢份由心出發嘅陪伴與關懷，成為最溫暖嘅新年禮物。
每一份手作嘅溫度、每一次真摯嘅問候，都讓新春不止於「團圓」，更添鄰里之間嘅暖意。從茶粿傳統滋味到探訪時片刻傾談，青年除咗學到傳統手藝，更學識以同理心關懷社區。願呢份關愛繼續流轉，讓愛與祝福喺葵青區延續。
