@ 
為慶祝新春佳節，深水埗民政處聯同深水埗三分區委員會特別喺荃灣大會堂演奏廳，舉辦咗一連三晚嘅免費粵劇欣賞會，誠邀深水埗區居民共度佳節，於賀歲期間感受喜慶熱鬧嘅氣氛！
每晚均有經典好戲輪番上演，包括《獅吼記》、《福星高照喜迎春》及《春花笑六郎》，讓觀眾盡情感受粵劇嘅魅力，與親朋鄰里歡聚一堂，樂也融融。
活動於昨晚（26/2）圓滿結束，三晚合共吸引約三千名街坊入場，現場座無虛席、掌聲不絕！粵劇名伶傾情演出，贏得觀眾熱烈喝采。最矚目嘅環節莫過於兒童粵劇表演——《鳳閣恩仇未了情之胡地蠻歌》！一班小朋友雖然年紀輕輕，但台風穩健、演出精彩，展現粵劇傳承嘅精神與希望。
深水埗民政專員王浩宇、活動籌備委員會召集人深水埗中南分區委員會主席兼立法會議員黃永威、深水埗東分區委員會主席梁鉅海、深水埗西分區委員會主席麥家榮、深水埗居民聯會理事長兼區議員陳偉明、深水埗警區助理警民關係主任李耀銘、廉政公署西九龍辦事處廉政教育主任林綺媚等均親臨主禮，聯同多位區議員、三分區委員、各界代表同街坊共襄盛舉，場面熱鬧非凡。
深水埗民政處將繼續夥拍不同團體，積極舉辦多元化嘅活動，凝聚及關愛社區之餘，亦推動文化傳承與交流，以打造一個更和諧、充滿幸福感嘅社區。
