@ 
繼上次行動之後，今日（3月4日）嚟到葵星商場外，繼續展開防騙和提防不能營銷手法的宣傳！
葵青警區警民關係組、葵涌分區軍裝巡邏小隊聯同香港海關版權及商標調查科不良營銷手法調查課，以及周潔瑩議員、吳任豐議員、袁潤雄議員、黃淑雯議員，一齊向街坊派發傳單，特別係要提醒我哋嘅老友記，慎防不良營商手法！
知道有商戶會利用「送小禮物」等方式，向長者推銷高價健康產品。所以大家積極喺相關商舖外進行針對性宣傳，提醒長者：
提防洗腦式推銷，咪俾人牽住走
勿輕信誇大功效產品，冇咁大隻蛤乸隨街跳
消費前停一停、諗清楚，衝動消費最容易中招
記得提醒身邊長輩：
理性消費，勿貪小禮物因小失大
遇可疑推銷，即時拒絕並離開，唔好糾纏
如有懷疑或受騙，盡快報案或聯絡警方！
